FSA და კინგსის საერთო კამპანია
ძვირფასო მშობლებო და მასწავლებლებო,
ვთვლით, რომ მნიშვნელოვანია, კინგსელებს სასკოლო საგნებში ახალი ცოდნის მიღებასა და საკუთარი თავის გამოცდასთან ერთად, ჰქონდეთ ზოგადი ცოდნა ისეთ მნიშვნელოვან საკითხებზე, რომლებსაც ყოველდღიურ ცხოვრებაში გამოიყენებენ. სწორედ ამიტომ, ჩვენს მეგობრებსა და პარტნიორებში არიან ისეთი ორგანიზაციები, რომლებიც გვეხმარებიან კომპეტენტური ინფორმაცია მივიტანოთ კინგსელებამდე.
ამ ყოველივეს ემსახურებოდა, საკვების უვნებლობის ალიანსისა და კინგსის საერთო კამპანია, საკვების უვნებლობის სტანდარტების ცოდნისა და მისი დაცვის შესახებ სასწავლო დაწესებულებებში.
მადლობას ვუხდით, FSA-ს პარტნიორობისათვის და ვუსურვებთ წარმატებას საქმიანობაში.
კამპანიის ფარგლებში, კინგსელების პირად პროფილებში შეიტვირთა ინფორმაციული, ილუსტრირებული პრეზენტაცია, ხოლო ქართული ენის პირველ ტურზ დახვდათ ბონუს შეკითხვები ამ თემის გარშემო (შეგახსენებთ, რომ ბონუს შეკითხვა არის შესაძლებლობა, მოსწავლემ ტესტში დაშვებული შეცდომები დააკონპენსიროს).
თემები ეხებოდა, სურსათის უვნებლობის საფუძვლებს, საკვების დაფინძურების სახეებსა და საფრთხეებს, ალერგენებს, საკვების მომზადებისა და შენახვის სტანდარტებს, ჰიგიენურ რჩევებსა და სხვა მნიშვნელოვან საკითხებს.
ძალიან გვიხარია, რომ ქართული ენის პირველი ტურის მონაწილეების 90%-მა სწორად გასცა პასუხი ბონუს შეკითხვებს ამ კამპანიის ირგვლივ და დაიგროვა ღირებული და საჭირო ცოდნა მნიშვნელოვან საკითხებზე.
მოგიწოდებთ, გაეცანოთ თქვენთვის მომზადებულ პრეზენტაციას, გაუზიაროთ ინფორმაცია თქვენს შვილებსა და მოსწავლეებს. პრეზენტაციის ბმული
ვუსურვებთ მათ ბევრ წარმატებას
