ოლიმპიადა

რა არის კინგსის ოლიმპიადა?

კინგსის ოლიმპიადა შესაძლებლობაა თითოეული მოსწავლისათვის, რომ მიღებული ცოდნა გამოავლინოს და გაიღრმავოს. ვინაიდან, ოლიმპიადა ყველაზე მასშტაბურია საქართველოში (გვყავს წელიწადში 100,000 მონაწილე), მოსწავლეს ეძლევა საშუალება, აღმოაჩინოს სხვა მოსწავლეთა შესაძლებლობები მის კლასს, სკოლასა თუ ქალაქს გარეთ.

უფრო დიდი სურათის დანახვა ეხმარება მოსწავლეს პიროვნულ ზრდასა და განვითარებაში, ასევე, ხდის მას მეტად თავდაჯერებულს.


როგორია ოლიმპიადის სტრუქტურა?

ოლიმპიადა ორი ტურისგან შედგება: შესარჩევი და ფინალი. ოლიმპიადის ორივე ტური დიდწილად სასკოლო მასალას შეეხება. თუმცა, ასევე დატოვებულია მცირე არასასკოლო კომპონენტი, რომელიც უბიძგებს მოსწავლეს, დაინტერესდეს საგნით სკოლის ფარგლებს გარეთაც

ოლიმპიადის ორივე ტურზე საკითხები მოცემულია კატეგორიებად, რაც მოსწავლეს უკეთ ეხმარება, გაიგოს რაში არის ძლიერი და რაზე უნდა იმუშაოს უფრო მეტად.
დარეგისტრირდი ოლიმპიადაზე: რეგისტრაცია

კინგსის მთავარი ამოცანა

აღსანიშნავია, რომ ტესტის ფურცელი, რომელზეც მოსწავლე ოლიმპიადის მსვლელობისას მუშაობს, აუცილებლად რჩება მასთან, რადგან გვჯერა, რომ ჩვენი ამოცანა არა ცოდნის შემოწმებაა, არამედ მოსწავლისათვის ბიძგის მიცემა, რომ მოიძიოს ის საკითხები, რომლებიც გაუჭირდა, ჰკითხოს მეგობრებსა და პადაგოგს, მოგვწეროს ჩვენ და ამის შედეგად დააგროვოს ახალი ცოდნა.

რომელ საგნებში ტარდება ოლიმპიადა?
კინგსის ოლიმპიადა წელს 6 საგანში ტარდება: მათემატიკა, ინგლისური, ქართული, ბუნება, ისტორია და ინტელექტი.


რომელი
კლასის მოსწავლეებს შეუძლიათ მონაწლეობის მიღება?

კინგსის მათემატიკის, ქართულისა და ინგლისურის ოლიმპიადაზე 2-დან მე-12 კლასის მოსწავლეებს შეუძლიათ მონაწილეობის მიღება. ბუნების ოლიმპიადა მე-2, მე-3 და მე-4 კლასელებისათვის, ისტორიის ოლიმპიადა მე-5 კლასიდან ზემოთ, ხოლო ინტელექტის ოლიმპიადა მე-2 დან მე-6 კლასის ჩათვლით მოსწავლეებისთვის ტარდება.

წარმატებული ნაბიჯები როგორ იზომება?

კინგსში გვჯერა, რომ წარმატება არაა უცაბედი, ის დიდძალ შრომასა და ძალისხმევას მოითხოვს. მოსწავლის მიერ გადადგმული ყოველი ნაბიჯი წარმატებისაკენ ძალიან მნიშნელოვანია. ამიტომ ვცდილობთ, მათი ყოველი ასეთი ნაბიჯი დაფასებული იყოს.

კინგსის ფინალური ტურის ყველა მონაწილე, ვინც გადალახავს ზღვარს, იღებს სერტიფიკატს ან დიპლომს, დიპლომი სამი ხარისხიაა და განისაზღვრება მოსწავლის ქულის მიხედვით.

 

დაჯილდოების ცერემონიალი

დაჯილდოების ცერემონიალზე კინგსი თითოეული საგნის თითოეული კლასის გამარჯვებულ სამეულებს იწვევს.

ეს მოსწავლეები, ფაქტობრივად, არიან საქართველოს ყველაზე გამორჩეული თაობა და კინგსში გვჯერა, რომ ისინი უდიდეს მადლობას იმსახურებენ.

ეს მონაწილეები წლიდან წლამდე განსხვავებული პრიზებით ჯილდოვდებიან, მაგალითად: მათემატიკის 2 გამარჯვებულს სრულად დაუფინნსდა აშშ-ში სილიკონის ველზე გამგზავრება.
ოლიმპიადაზე ყოველ წელს ერთი უცვლელი პრიზი გვაქვს, ყოველი დაჯილდოებაზე მოწვეული კინგსელი იღებს შემეცნებით-გასართობი ბანაკის საგზურს.

მთავარი პრიზი რა არის?

კინგსის დაარსების დღიდან, კინგსის მთავარ პრიზს შემეცნებით-გასართობი ბანაკი წარმოადგენს რაც, ალბათ, ყველაზე მეტად აბედნიერებს და ავითარებს ჩვენ გამარჯვებულებს და მათთან ერთად ჩვენც.

შემეცნებით-გასართობი ბანაკი ესაა 4 დღიანი აქტივობა, რომელსაც საქართველოს სხვადასხვა სასტუმროში ვატარებთ ხოლმე.

ბანაკში ხვდება თითოეული საკლასო კატეგორიის 3 გამარჯვებული მოსწავლე საქართველოს მასშტაბით.

სხვადასხვა ასაკის მოსწავლეები ნაწილდებიან გუნდებად. თითოეულ გუნდს ჰყავს ლიდერი, რომელიც კინგსის გუნდის წარმომადგენელია და მოსწავლეთა უახლოესი მეგობარი ამ 4 დღის მანძილზე.

ბანაკის 4-ივე დღე დატვირთულია შემოქმედებითი, შემეცნებითი, სახალისო და საინტერესო აქტოვობებით, რომლებიც ორიენტირებულია, პირველ რიგში, იმაზე რომ წარმატებულმა მოსწავლეებმა ახალი მეგობრები შეიძინონ სხვა წარმატებული მოსწავლლეების სახით, გაცვალონ ინფორმაცია საკუთარი ინტერესების შესახებ, მოუყვნენ ერთმანეთს საკუთარი საცხოვრებელი ქალაქისა თუ კუთხის შესახებ და აუცილებლად გახდნენ მეტად შემოქმედებითები და თავდაჯერებულები.

მოკლედ რომ შევაჯამოთ, კინგსის ბანაკი ესაა ადგილი, სადაც მოსწავლეს შეუძლია შეიძინოს უმარავი წარმატებული მეგობარი და დაინახოს, რომ ამ ახალგაზრდებთან ერთად ქმნის საქართველოს მომავალს.

 

ოლიმპიადის საფასური

კინგსის ოლიმპიადის პირველი, შესარჩევი, ტური სრულიად უფასოა, ხოლო ფინალურ ტურში მონაწილეობის საფასური 25 ლარია.

კინგსის საერთაშორისო ოლიმპიადა

კინგსს ასევე აქვს საერთაშორისო ოლიმპიადა ინგლისურსა და მათემატიკაში, რომელიც პარალელურად ლიეტუვაშიც მიმდინარეობს. ადგილობრივი გამარჯვებულების გამოვლენის შემდეგ, ჩვენი ქართული გუნდი ჩადის ლიეტუვაში და ეჯიბრება იქაურ თანატოლებს. საოლიმპიადო პროცესის პარალელურად, ისინი იცნობენ ერთმანეთს და ეცნობიან მეგობარი ქვეყნების კულტურებს.



რით ვამაყობთ?

·         კინგსის გუნდი, ყველაზე მეტად, კინგსელების წარმატებით ვამაყობთ.

·         ვამაყობთ, რომ მოსწავლე, რომელსაც ეშინოდა ოლიმპიადის დამოუკიდებლად წერა, ახლა ფინალისტია.

·         ვამაყობთ, რომ ჩვენი მოსწავლეები ყოველგვარი ძალდატანების გარეშე, თავად, ხედავენ, რომ განვითარება მნიშვნელოვანია.

·         ვამაყობთ, ყოველი ოლიმპიადის შემდეგდაგუგლული“ საკითხითა და მასწავლებლისათვის დასმული შეკითხვებით.

·         ვამაყობთ, რომ ჩვენს მოსწავლეებს უხარიათ, ერქვათ კინგსელი.

·         ვამაყობთ, რომ ჩვენი შემეცნებით-გასართობი ბანაკებით კინგსელებმა საუკეთესო მეგობრები შეიძინეს და ეს მეგობრობა ბანაკში არ სრულდება.

·         ვამაყობთ, რომ ვართ 100,000-ზე მეტი და

·         ვამაყობთ, რომ წარმატებაა ის რაც გვაერთიანებს.

 

კინგსი და პანდემია

2020 წელს, კორონა ვირუსის გავრცელების გამო, კინგსის საგნობრივმა ოლიმპიადებმა ელექტრონულ რეჟიმში გადაინაცვლა, რაც ჩვენთვის ძალიან დიდი გამოწვევა აღმოჩნდა.

გვიხარია, რომ გამოწვევების მიუხედავად, წელს, 100 000-მდე რეგისტრირებულ კინგსელს, საშუალება ჰქონდა ოლიმპიადის დავალებები სახლიდან გაუსვლელად, ონლაინ რეჟიმში შეესრულებინა.

ჯამში, კინგსის ონლაინ ოლიმპიადებზე 100 000-მდე მოსწავლე დარეგისტრირდა და 56 000-ზე მეტმა კინგსელმა ოლიმპიადების პირველი ტურის დავალებები შეუფერხებლად შეასრულა, ხოლო ფინალი 14,000-ზე მეტმა.

ამ სეზონზე, გადავწყვიტეთ, მივიდეთ მოსწავლესთან კიდევ უფრო ახლოს. საქართველოს მასშტაბით შევარჩიეთ სკოლები, რომლებშიც ყველაზე დიდი აქტიურობა დაფიქსირდა და ამ სკოლის მოსწავლეები პირველ ტურს მათსავე სკოლაში დაწერენ.

ამას გარდა, სანამ პანდემიის რეალობაში გვიწევს ცხოვრება, ვაგრძელებთ მთელი საქართველოს მოცვას ონლიან ოლიმპიადებით და იმედს, ვიტოვებთ, რომ დისტანციის მოუხედავად, მაინც შევძლებთ, ვიყოთ თქვენთან ახლოს, რადგან წარმატებაა ის, რაც გვაერთიანებს.

კინგსის გუნდი ჯანმრთელობას გისურვებთ!

COVID-19

I ტური 9 ნოემბერი
II ტური

ლიგა - ინგლისური ენა

I ტური 1 იანვარი
II ტური
რეგისტრაცია ამ საგანზე დასრულებულია

ლიგა - ქართული ენა

I ტური 1 იანვარი
II ტური
რეგისტრაცია ამ საგანზე დასრულებულია

ლიგა - მათემატიკა

I ტური 1 იანვარი
II ტური
რეგისტრაცია ამ საგანზე დასრულებულია