მათემატიკის I უფასო ტურისთვის საჭირო ყველა სიახლე ერთ სტატიად

10 მაისს მე-2 დან მე-12 კლასის ჩათვლით მოსწავლეებისთვის მათემატიკის I უფასო ტური ჩატარდება. ოლიმპიადას 30 ქალაქი უმასპინძლებს.

1-ელი კლასელები ოლიმპიადას დაწერენ ონლაინ 11 მაისის 12:00-დან

რეგისტრაციის პროცესი

თუკი მოსწავლეს ჯერ არ გაუვლია რეგისტრაცია, აუცილებელია დარეგისტრირება ბმულზე: რეგისტრაცია

რეგისტრაციისას მოსწავლეს შეჰყავს მარტივი ინფორმაცია (სახელი, გვარი, სკოლა, კლასი, ტელ. ნომერი…) რის შემდეგაც მოსწავლეს ექმნება პირადი პროფილი და ენიჭება 6 ნიშნა უნიკალური კოდი. სწორედ ამ კოდის საშუალებით ვასწორებთ მოსწავლეების ნაშრომებს სწრაფად და მიუკერძოებლად. 

ვითვალისწინეთ, რომ ერთ ტელეფონის ნომერზე მხოლოდ ერთი მოსწავლის დარეგისტრირება არის შესაძლებელი. თუკი რამდენიმე მოსწავლის დარეგისტრირება გსურთ გიწევთ რეკომენდაციას, გამოიყენოთ სხვა ოჯახის წევრის ნომრები. 

სად ჩატარდება ოლიმპიადა

მე-2 დან მე-12 კლასის ჩათვლით მოსწავლეებისთვის ოლიმპიადა 30 ქალაქში ჩატარდება.

ჩატარების ქალაქები და კლასის შესაბამისად ოლიმპიადაზე გამოცხადების დრო შეგიძლიათ იხილოთ ბმულზე: განრიგი

გაითვალისწინეთ, რეკომენდირებულია ოლიმპიადის ჩატარების ლოკაციაზე 20-30 წუთით ადრე გამოცხადება.

რა დრო აქვს მოსწავლეს, რამდენი საკითხი შეხვდება და როგორი საკითხები?

ნებისმიერი კლასის მოსწავლეს ოლიმპიადის დასაწერად აქვს ზუსტად 1 საათი (60 წუთი).

ტესტი არის 50 ქულიანი და ფინალში გამსვლელი ქულაა 21. ძირითადი საკითხების გარდა, ტესტში მოცემულია 6 ბონუს დავალება, რომლებიც დამატებით 18 ქულის დაგროვების საშუალებას იძლევა.

ოლიმპიადის საკითხების სირთულე კლასიდან კლასამდე განსხვავდება და მიჰყვება სასკოლო პროგრამას.

რა არის ბონუს სავარჯიშო?

ბონუს სავარჯიშო არის 6 საკითხისგან შემდგარი 18 ქულიანი სავარჯიშო, რომელიც მოსწავლეს ტესტის ბოლოს ტესტის ფურცელზე ხვდება.

ბონუსის დაწერით მოსწავლე დამატებით ქულებს აგროვებს. მაგალითად ირაკლიმ 50 ქულიან ტესტში დაუშვა შეცდომები და 50-დან 45 ქულა დააგროვა, 18 ქულიანი ბონუსიდან 6 ქულაც რომ დააგროვოს ირაკლის ქულა უკვე დაკომპენსირებული ექნება დაშვებული შეცდომები და მაქსიმალური ქულა დაეწერება.

ამრიგად, პარტნიორი კომპანიების ბონუს სავარჯიშო არის კარგი შესაძლებლობა, მოსწავლემ აანაზღაუროს დაშვებული შეცდომები.

როგორ მოვემზადოთ ოლიმპიადისათვის?

მე-2-დან  მე-6 კლასის მოსწავლეებისთვის დამატებით, სრულიად უფასოდ, გავამზადეთ ტესტების მიმოხილვა, რომლის ნახვაც ამ ბმულზეა შესაძლებელი: მიმოხილვა

ასევე დამატებით სამეცადინოდ შესაძლებელია ფასიანი მოსამზადებელი კურსის შეძენა, რომელიც მოსწავლის პირად პროფილში “მოსამზადებელი ტესტები” სექციაში და არის საოლიმპიადო ტესტების მსგავსი. 

მოსამზადებელი კურსის უპირატესობები: 

✅ ოლიმპიადის სტრუქტურის იდენტური სტრუქტურა - მოსწავლე მეცადინეობს ოლიმპიადის მსგავს საკითხებში;

✅ შედეგების გადახედვა - ტესტის დასრულების შემდეგ მოსწავლეს შეუძლია გადახედოს ტესტს და გაიგოს რა შეეშალა; 

✅ დროის მთვლელი - ტესტებს აქვს დროის მთვლელი, რომელიც ეხმარება მოსწავლეს ისწავლოს დროის მართვა;

მაღალი კლასის მოსწავლეებისგან ველით ოლიმპიადისათვის დამოუკიდებლად მომზადებას, სწორედ ამიტომ ტესტის მიმოხილვა არ გამოქვეყნდება.

რა არის ტესტის ფურცელი და პასუხების ფურცელი?

მე-2 დან მე-12 კლასის ჩათვლით მოსწავლეებს ოლიმპიადის დღეს ორი ტიპის ფურცელი ხვდებათ: ტესტის ფურცელი და პასუხების ფურცელი.

ტესტის ფურცელი მოსწავლის საკუთრება ხდება. მასში მოცემულია დავალებები, რომელსაც უნდა გასცეს პასუხი მოსწავლემ. ტესტის ფურცელზე შესაძლებელია გახაზვა, გაფერადება, ჩანაწერების გაკეთება და ა.შ. ის სრულად მოსწავლის განკარგულებაშია.

პასუხის ფურცელი კინგსის საკუთრებაა. პასუხის ფურცელი საბოლოო პასუხების დასაფიქსირებლად გამოიყენება. მასში უნდა ჩავწეროთ პირადი ინფორმაცია და გავაფერადოთ ის პასუხები, რომლებიც გვგონია სწორი. მაგ: პირველი საკითხის გასწვრივ ვხედავთ გასაფერადებელ უჯრებს: A, B, C გვგონია, რომ სწორი პასუხი არის B, შესაბამისად ვაფერადებთ B-ს.

ჩატარების ადგილზე დამკვირვებლები ყველა მოსწავლეს აუხსნიან პასუხის ფურცლის შევსების ინსტრუქციას. ამიტომ პასუხის ფურცლის შევსება რთული პროცესი არ იქნება.

პასუხის ფურცლის სწორად გამოყენების ვიდეო ინსტრუქცია იხილეთ ბმულზე: ვიდეო ინსტრუქცია

რის წამოღება შეიძლება ოლიმპიადის დღეს და რის არა?

ოლიმპიადის დღეს შეგიძლიათ იქონიოთ წყალი და სურვილისამებრ საკუთარი კალამი. თუმცა კალამი არ უნდა იყოს ე.წ ტუშიანი.  ტელეფონის ან სხვა გაჯეტების შემოტანა შესაძლებელია, თუმცა ამ შემთხვევაში აუცილებელია მათი გამორთულ მდგომარეობაში ქონა. 

აკრძალულია პასუხის ფურცელზე კორექტორის გამოყენება.

შეგახსენებთ, თუკი მოსწავლეს ჯერ არ გაუვლია რეგისტრაცია, აუცილებელია დარეგისტრირება ბმულზე: რეგისტრაცია

კინგსის გუნდი გელოდებათ 10 მაისს და გისურვებთ წარმატებულ ასპარეზობას!