2018 წლის მათემატიკის ოლიმპიადა ფინანსურ განათლებას ეძღვნება!
2018 წელი საქართველოს ეროვნული ბანკის მიერ ფინანსური განათლების წლად
გამოცხადდა. სწორედ ამიტომ წლის მთავარი სასწავლო აქტივობა „კინგსის მათემატიკის
ოლიმპიადა“ ფინანსურ განათლებას ეძღვნება!
პირველად საქართველოში საქართველოს ეროვნული ბანკის ინიციატივითა და გერმანული
შემნახველი ბანკების ფონდის მხარდაჭერით კინგსმა მოსწავლეებისთვის შექმნა
ფინანსური განათლების სასწავლო პლატფორმა, რომელიც ქართველ მოსწავლეებს მისცემს
საშუალებას დაიწყონ ფინანსური განათლება.
მათემატიკის ოლიმპიადის I უფასო ტური საქართველოს მასშტაბით 2 დეკემბერს
ჩატარდება.
ოლიმპიადის მონაწილეებს lupi.ge -ს მოსამზადებელი პლატფორმის მეშვეობით
უკვე შეუძლიათ აკეთონ ტესტები, ივარჯიშონ და მიიღონ ცოდნა ფინანსური
განათლების მიმართულებით. ხოლო, 2 დეკემბერს მათემატიკის ოლიმპიადის I უფასო
ტურზე მათ საშუალება ექნებათ გადაამოწმონ მიღებული ცოდნა და მოიპოვონ ბონუს
ქულები ოლიმპიადის ტესტში.
მათემატიკის ოლიმპიადის I ტურის ტესტი შედგება 10 ძირითადი და 2 ბონუს
დავალებისგან.
ბონუს დავალებებში მოსწავლეებს სწორედ ის საკითხები შეხვდებათ რომელზეც Lupi.ge-ს
მოსამზადებელი პლატფორმის მეშვეობით შეუძლიათ ივარჯიშონ. ასე, რომ ფინანსური
განათლების მოსამზადებელი პლატფორმით მიღებული ცოდნით მათ შეუძლიათ
დამატებითი ქულები მოიპოვონ ოლიმპიადაზე.
დაიწყე ფინანსური განათლება და არ გამოტოვო შანსი დააგროვო ბონუს ქულები!
