საუკეთესო შვიდეულების დაჯილდოების ცერემონია!
2018 წლის შემოდგომის სეზონის მათემატიკის, ქართული ენისა და ინგლისური ენის ოლიმპიადების საუკეთესო შვიდეულების დაჯილდოების ცერემონია ,,თბილისის ღია უნივერსიტეტში’’ 30 დეკემბერს გაიმართება.
საქართველოს გამორჩეული მოსწავლეები დიპლომებთან და სერტიფიკატებთან ერთად თავიანთი წარმატების შესაბამის პრიზებს მიიღებენ.
საუკეთესო შვიდეულის თითოეულ წევრს კინგსი საჩუქრად შემეცნებით-ინტელექტუალური ბანაკის საგზურს გადასცემს, რომელიც წელს წყალტუბოს საუკეთესო სასტუმროში გაიმართება.
გამარჯვებული მოსწავლეები კინგსის რჩეულთა ბანაკში დაუვიწყარ 4 დღეს გაატარებენ, შეიძენენ ბევრ საჭირო უნარ-ჩვევას და უამრავ მეგობარს. შემოდგომის სეზონის წარმატებულ მოასპარეზეებს ულამაზესი გარემო, სიახლეებითა და თავგადასავლებით დატვირთული ბანაკი ელით წყალტუბოში!
დაჯილდოების ცერემონიაზე მოსაწვევად კინგსის გუნდი თითოეულ გამარჯვებულ კინგსელს (საუკეთესო შვიდეულში მოხვედრილ მონაწილეებს) ინდივიდუალურად დაუკავშირდება და მოიწვევს ღონისძიებაზე.
2018 წლის შემოდგომის სეზონის ოლიმპიადების მონაწილე კინგსელებს ფინალურ ტურზე მოპოვებული დიპლომები და სერტიფიკატები გადაეცემათ სკოლებში იანვრის თვეში.
კინგსი გისურვებთ წარმატებებს!
