ლელა კინგსის აკადემიის ერთ-ერთი სტაჟიანი მასწავლებელია. ბავშვების მიმართ განსაკუთრებულმა სიყვარულმა პროფესია შეაცვლევინა და უკვე წლებია, მასწავლებლის საქმიანობას ეწევა. ბავშვებმაც იგრძნეს ეს სიყვარული და განსაკუთრებულად უყვართ ლელა, ხოლო გაკვეთილები გამოირჩევა ხალისიანი, შემეცნებითი და საინტერესო მიდგომებით.
ლელა სერთიფიცირებული პედაგოგია და ასწავლის სხვადასხვა კერძო თუ საჯარო სასწავლებლებში.
მისი საყვარელი ფერია ვარდისფერი და უყვარს ფოტოების გადაღება.

მაიკო მასწავლებელი თავის პროფესიაზე შეყვარებული მათემატიკოსია 12 წლიანი გამოცდილებით. ის მუდმივად სიახლის ძიების პროცესშია, რისთვისაც თანამედროვე ტექნოლოგიებსა და რესურსებს იყენებს. გამოირჩევა ინოვაციური და ინდივიდუალური სწავლების მეთოდებით.
მაიკოს ძალიან უყვარს მოგზაურობა, ცხენით ჯირითი და აღმოჩენების პროცესში ყოფნა. მაიკოს შვილი ამერიკის ერთ-ერთ წამყვან უნივერსიტეტში ისრულებს ოცნებებს, ხოლო მასწავლებელი კი წარმატებისთვის საკუთარი შვილივით ამოტივირებს მის თითოეულ მოსწავლეს.

იცნობთ ადამიანს, რომლისთვისაც რიცხვებთან ურთიერთობა და მეგობრობა ისეთივე საინტერესოა, როგორიც ადამიანებთან?
ვალერი მასწავლებელი უკვე 5 წელია, რაც კომაროვის საშაბათო სკოლის მათემატიკის მასწავლებელია, ემეგობრება თითოეულ მოსწავლეს და ყოველთვის მზადაა, მათაც შეაყვაროს მათემატიკის სამყარო.
ვალერი მასწავლებლის კინგსის აკადემიაში მოსვლის დღიდან, მისი მოსწავლეები ყოველთვის აღნიშნავენ, რამდენად სახალისო გახდა მათემატიკის სწავლა.

“მათემატიკა ხშირად მხოლოდ რიცხვები და ფორმულები ჰგონიათ, თუმცა ასე არ არის. მათემატიკა ჩვენი ყოველდღიურობაა, მთავარია, ეს დავინახოთ და ჩვენ სამყაროს უკეთ აღქმას შევძლებთ.”
გვიყვება თინათინ მუმლაძე, გამოყენებითი მათემატიკის მაგისტრი და მრავალწლიანი გამოცდილების მქონე პედაგოგი.
გარდა სწავლებისა, თინათინს თავად უყვარს შემეცნება - ახალი ადგილების აღმოჩენა, ლაშქრობა თავისუფალ დროს და ოჯახთან ერთად სამაგიდო თამაშების თამაში.
თინათინი საკუთარ პროფესიაზეა შეყვარებული, რადგან სჯერა, რომ ერთ-ერთი ყველაზე მნიშვნელოვანი, რაც შეიძლება ადამიანმა გააკეთოს, მომავალი თაობის აღზრდაა.

,,ჩემი მოსწავლეების თვალებით სამყაროს დანახვა შრომას მიადვილებს. ვცდილობ, არა მარტო ვასწავლო, არამედ ჩემი წვლილი შევიტანო მათ კარგ ადამიანებად - პიროვნებებად ჩამოყალიბების პროცესში.”
ასეთია ნინო მასწავლებლის მოსაზრებები. 20 წელზე მეტია, მუშაობს საჯარო და კერძო სკოლებში. საინტერესოა, რომ მათემატიკის მასწავლებლობა ბავშვობაში ჩანაფიქრში არ ჰქონია და ეგონა, აუცილებლად მსახიობი გახდებოდა, თუმცა სკოლის წლებიდანვე იმდენად შეიყვარა მათემატიკა, რომ დღეს ამ პროფესიით ძალიან ბედნიერია და ამ ბედნიერებასა და საგნის სიყვარულს ახლა თავის მოსწავლეებზე ავრცელებს. თავად სამი შვილის დედა და ორი შვილის ბებიაა, ამიტომ ხედავს, რომ ბავშვებთან მეგობრობა უმთავრესია.
ნინო მასწავლებელს ძალიან უყვარს ბუნება, მცენარეებთან ურთიერთობა და თავისუფალ დროს რაჭის ბუნებით ტკბობა.

,,იყო მასწავლებელი ნიშნავს იყო კარგი ორგანიზატორი, გქონდეს კრეატიული ხედვა, იყო კარგი მეგობარი და კიდევ ბევრი საინტრესო როლისა და უნარის მქონე ადამიანი ცხოვრებაში, რადგანაც ბავშვებთან ურთიერთობა მრავალმხრივობას მოითხოვს”
ნინო მასწავლებელი ყოველდღიურად ცდილობს, გაიზარდოს თავის მოსწავლეებთან ერთად. მათთან მუშაობა მისთვის ძალიან მნიშვნელოვანი და საინტერესო პროცესია. ჰქონია მუშაობის გამოცდილება ეთნიკურ უმცირესობებთან, მუდმივად ესწრება სხვადასხვა კონფერენციას, ტრენინგ-კურსებს, გეგმავს პროექტებს, ეცნობა სწავლების სხვადსხვა თანამედროვე მიდგომებს.
ნინო თავისუფალ დროს ქარგავს.

,,წლების განმავლობაში დაგროვებული გამოცდილება მეხმარება ბავშვებზე პერსონალურად მორგებული პროცესის სწორად წარმართვაში, რაც ძალიან მნიშვნელოვანია, რადგან ყველა ადამიანი განსაკუთრებული და ინდივიდუალურია“.

Მარიამი კინგსის აკადემიის მოწვეული მასწავლებელია პიროვნული განვითრების კურსისასთვის. ძალიან გვიხარია, რომ ჩვენს გუნდს მისი სახით პროფესიონალი კადრი შემოუერთდა. 

Მისი დაინტერესება ფსიქოლოგიის სფეროთი 15 წლის ასაკიდან დაიწყო. აქვს მაგისტრის ხარისხი ეგზისტენციალურ ანალიზში. მისი პროფესიული საქმიანობა უკავშირდება მაღალი დონის ფსიქოლოგიურ ცენტრებს, სხვადასხვა ასაკის ბავშვების ჯგუფებთან ემოციური ინტელექტის განვითარებისა და პიროვნული ზრდის კუთხით.

Მარიამი ჭადრაკის ჩემპიონია ჯერ კიდევ 2004 წლიდან, პატარა ასაკიდან გამოავლინა ჭადრაკის მიმართ ინტერესი და სიყვარული, რამაც  პროფესიონალ მოჭადრაკედ აქცია.

“Ჭადრაკი არ არის მხოლოდ თამაში, იგი ხელს უწყობს ინტელექტის განვითარებას, სტრატეგიული აზროვნების ჩამოყალიბებას, კონცენტრაციას, ლოგიკურ მსჯელობას, რაც სამომავლოდ ადამიანის ცხოვრებაში რეალიზდება.” გვიყვება მარიამი. 

ის სხვადასხვა ასაკობრივ კატეგორიებში საქართველოს ჩემპიონია, საჭადრაკო ტურნირების კომენტატორი და რაც მთავარია, საკუთარ პროფესიაზე უზომოდ შეყვარებული პროფესიონალი.

Საინტერესოა ამასთან ისიც, რომ მარიამის ჰობი მუსიკის მოსმენა, კითხვა, ლექსების და ჩანახატების წერაა, სამომავლოდ აუცილებლად აპირებს საბავშვო ზღაპრების კრებულის გამოცემასაც.